...
اتـرسُـم زونـي بـره دلم نا مراده
او رو بـه مـِن تـنگ هـي اقرمنه
داغ مـرگ شـا پـيا كهنه ارمنه
او رو توف توف بكن بختت بلنده
دشمِنون مگون به ايل رود خو نمنده
كوگ « تاراز » بگوين بره « بر افتو »
تا بـيا علاءالـديـن بـخـونه از نو
شو سيا روزم سيا بكن تو « هيجار »
ار ايخوي كه بخت ايل آبوهه بيدار
گويل بيدار كنين دي « مال كنونه »
زله زيد « آستاره » صحو به آسمونه
درگل ايلن بگوين بيان پل بروني
يه ددو تيس نيد ديه سي هم زووني
دی کرج سی بختیاری آشنايه
پـرتـو عـلاءالـديـن كه با وفايه
كي تره خور بـره سي گل نـازدار
مه نو دي نیدرا بـه اي شـو تـار
برف غـم به زردكه هـي انشـينه
او كارونـم ايـگـوي دلـس ز خـينه
عـلاءالـديـن دل نازك چي گل خشخاش
مگوهين بـيو بـخون بيت قزل باش
گاگريو خـونين هـمه سي بختياري
دي كـري زس نـيكنه طلايه داري